FESTA DE FIN DE ANO

Aproveitando unhas das datas máis importantes do ano, ofrecemos unha alternativa de ocio de proximidade na Noitevella, ao mesmo tempo que promovemos a vila de Rianxo. O noso baile de aninovo leva anos sendo un referente na zona, prestando a veciños e veciñas un espazo para despedir o ano sen saír do concello, mais tamén conseguindo chamar a atención das xentes da contorna para vir celebrar con nós. Entre música, chocolate con rosca, badaladas, sorteos e moito baile, damos entrada ao novo ano.