8M: DÍA INTERNACIONAL DA MULLER

Seguindo a liña da asociación pola colaboración coa mocidade e os centros educativos de Rianxo, decidimos organizar, en conxunto co alumnado do IES Félix Muriel, un acto reivindicativo pola celebración do 8M. Convidouse ás diferentes escolas do concello e a toda a veciñanza que quixese participar a unirse a unha concentración unitaria polo Día da Muller, portando un mandil como símbolo da opresión histórica da muller, que posteriormente sería colocado nos ombreiros a modo de
capa de heroína. A alcuñada “Mani dos Mandís, abriu coa lectura dun manifesto e proseguiu coa intervención musical de Pauliña, unha das voces que máis está a soar no panorama musical galego, e coa que se pechou un acto ao que asistiron centos de persoas de tódalas idades.